لندن کی ایک رات

نامور ادیب سجاد ظہیر کا ناولٹ " لندن کی ایک رات " جسے مصنف نےلندن میں ہی تحریر کیا ہے۔ ااس کے کردار ہندوستان کے خوش حال گھرانوں کے ایسے افراد ہیں جو اعلیٰ تعلیم حاصل کرنے کی غرض سے انگلستان میں مقیم ہیں ۔ نول دو حصوں پر مشتمل ہے۔ پہلے حصے میں ایک ہندوستانی نوجوان کے گھر پر چند ہندوستانی دوستوں اور انگریز لڑکیوں میں ہندوستانیوں اور انگریزوں کے تعلقات اور تمدنی،سیاسی، معاشی پہلوؤں پر گفتگو ہے۔ اور دوسرے حصے میں سوئزر لینڈ کی ایک شام کو ہندوستانی نوجوان اور ایک انگریز لڑکی کی محبت کا ایک خاکہ پیش کیا گیا ہے ۔ ناول کا آخری حصہ بڑا دلچسپ ہے۔ نعیم کا کردار مصنف کی ایک کامیاب کوشش ہے۔ناول میں نفسیاتی تحلیل اچھی ہے اور اشتمالی پروپیگنڈہ بھی خوب ہے۔